正所謂「凡事留一線，日後好相見」，即使辭職亦要為自己留後路。有打工仔在網上發文，提到公司有部門經理早前在離職前連續請數天病假，最終只在最後上班日出現。老闆原本提出加薪冀挽留對方但不果，最後亦決定重新招聘。沒料到，該名前經理近日主動聯絡前老闆，表明希望重回舊公司工作又自願減薪，更提出一個自私要求。
該名打工仔早前向「辦公室日報」投稿，指近日收到前部門經理的來電，對方表示有急事需要找老闆，並希望即日可與老闆說幾句話。由於對方已在兩個月前離職，相關手續及文件亦已辦妥，因此樓主詢問對方有何急事。對方則表示，「我想返嚟做，想親自同老闆傾」。樓主聞言後則回答，已請到新人填補相關職位空缺，沒想到對方表示自己知情，更反問樓主「咁佢過咗試用期未吖？三個月都未夠啦！」樓主聞言後不禁心想「你走咗喇喎，乜咁大官威啊」。
樓主憶述對方在3個月前表示，有獵頭公司「撬佢跳槽」，因此向老闆提出請辭。老闆當時提議加薪並希望他可以留下來，卻被對方拒絕。樓主續指，對方當時步出老闆房後曾表示，「你老闆都傻傻哋，加薪喎！Headhunt搵我去嗰邊福利好，規模又大，寫字樓都係甲級」，又提出希望可提前取得推薦信。樓主指，其職位原本需要2個月辭職通知，但老闆允許他1個月通知則可離任，又指在最後一個月期間，老闆亦多次與前部門經理談話，希望他可以回心轉意。不過，對方堅持離職，在最後一星期更連續請4日病假，並於最後工作日才回到公司處理手續及領取推薦信。樓主指，招聘最終較想像中順利，不足一星期已經聘請到一名女經理，而且她的工作表現甚好，老闆亦感到甚為滿意。
樓主續指，老闆隨後已與前部門經理聯絡，並得知對方轉到新公司後發現不似預期，工作棘手加上同事亦不友善，職位更是「名存實亡」，對方認為自己被獵頭公司欺騙，因此已準備辭職。老闆又指，他自願將薪金由6萬減至4萬，「仲叫我炒咗嗰個人，畀佢返嚟做」。樓主聞言後批評對方自私，「即係佢搵食就冇問題，打爛人哋個飯碗都唔緊要？」老闆則指，已拒絕前部門經理，並向對方聲稱在首月已提前讓新經理通過試用期，隨後再囑咐樓主出信通知新經理通過試用期。
不少網民隨即批評該名前部門經理的行為，並指「走得咁絕，都仲好意思R回頭草，仲叫人炒新人畀佢返嚟，食相真係好難睇」、「唔好嚟好去仲要叫前老闆炒人要返自己？憑咩？」、「跳槽條路係你自己揀，返完唔like都要接受啦，憑乜叫舊老闆炒頂你個位的人，再畀你減薪返來做？」、「容許我講句，自私又肉酸，返得嚟都唔會係幫到公司」、「呢鋪我撐老闆」等。
帖文來源：「辦公室日報」
Tag cloud:
好工推介
職場熱話
- 1
- 2
-
香港經濟係咪真係咁差？網民熱議：而家好似平衡時空咁
TOP 1 -
外向嘅人喺職場上真係著數啲？網民：内向都可以識溝通！
TOP 2 -
2025職場5大趨勢 職場倒退或成新常態
TOP 3 -
Instagram青少年帳戶本周起擴至香港 「16歲以下」強制不公開 家長可設定時間限制
TOP 4 -
裁員潮殺到埋身？如何識別危機信號並成功自救！
TOP 5
-
BNO移民英國恐迎重大變局 英保守黨倡「5＋1」增至「10＋5」 移英港人︰怕多付十多萬NHS
TOP 6 -
「幫人摺衣服」成高薪副業？馬來西亞婦女單週賺1,300港元
TOP 7 -
加拿大港人「救生艇計劃」開放式工簽2.7截止申請 不再延長
TOP 8 -
內地年輕人潮興買迪士尼年卡自習 「最快樂地方做最痛苦的事」
TOP 9 -
DeepSeek百萬年薪「招兵買馬」 入職要求大揭秘
TOP 10
